काठमाडौं । आगामी इण्डियन प्रिमियर लिग (आईपीएल) क्रिकेटको अक्सन (खेलाडी खरिद प्रक्रिया)मा अष्ट्रेलियाका प्रभावशाली ब्याट्सम्यान ट्राभिस हेड ६ करोड ८० लाख भारतीय रुपैयाँमा बिक्री भएका छन् । हेडलाई सनराइजर्स हैदराबादले खरिद गरेको हो ।
अष्ट्रेलियन टोलीका ओपनर ब्याट्सम्यान हेड अलराउण्डर हुन् । आक्रामक ब्याट्सम्यान हेडले हालै भारतमा सम्पन्न आईसीसी एक दिवसीय विश्वकपमा उत्कृष्ट प्रदर्शन गरी आफ्नो टिमलाई जित दिलाएका थिए । अष्ट्रलियालाई उपाधि दिलाउन विश्वकपको फाइनलमा उनले १३७ रन बनाए ।
यसअघि खेलेको आईपीएलको १० खेलमा उनले १३८.५१ को स्ट्राइक रेटमा दुई सय पाँच रन बनाएका छन् । उनले पछिल्लो पटक सन् २०१७ मा रोयल च्यालेन्जर्स बैंगलोरको तर्फबाट आईपीएल खेलेका थिए ।
प्रतिक्रिया दिनुहोस्
