काठमाडौं । बलिउड अभिनेत्री अनुष्का शर्मा पछिल्लो समय आफ्नो दोस्रो गर्भावस्थालाई लिएर चर्चामा छिन् । उनी पुन: आमा बन्ने खबर चौतर्फी फैलिएको छ ।
श्रीमान् विराट कोहलीसहित उनीहरूले आफ्नो गर्भावस्थाको घोषणा गर्नेमा फ्यानहरू आशावादी छन् । यसैबीच अभिनेत्रीको एउटा भिडियो सार्वजनिक भएको छ । जसलाई हेरेर फ्यानले उनलाई बधाई दिएका छन् ।
सामाजिक सञ्जालमा उनका तस्बिर आएपछि गर्भवती भएको अड्कलबाजी सुरु भएको थियो । विराट वा अनुष्काले यस सम्बन्धमा अफिसियल अपडेट सेयर गरेका छैनन् ।
अभिनेत्रीको भिडिओमा फ्यानहरूबाट कमेन्टको बाढी आएको छ । कसैले लेखे, ‘हामीले बुझ्यौं तिम्रो इशारा बधाई छ ।’ अर्का एक जनाले लेखेका छन्, ‘यसको अर्थ तपाईं दोस्रो पटक गर्भवती हुनुहुन्छ ।’
हिन्दुस्तान टाइम्सको रिपोर्टमा अनुष्कालाई प्रसूति क्लिनिकको बाहिर देखिएको बताइएको थियो । त्यसपछि अभिनेत्री दोस्रो पटक गर्भवती भएको चर्चा सुरु भएको थियो ।
