काठमाडौं । गरिमा विकास बैंकले गत आर्थिक वर्षको मुनाफा १० प्रतिशत लाभांश वितरण गर्ने भएको छ ।
मुनाफाबाट शेयर धनीहरूलाई हाल कायम चुक्ता पूँजीको १० प्रतिशत लाभांश वितरण गर्ने बैंकले जनाएको हो । पुस ४ गते बसेको सञ्चालक समितिको बैठकले सो दरमा लाभांश वितरण गर्ने निर्णय गरेको हो ।
बैंकले ९.५० प्रतिशत बोनस शेयर र कर प्रयोजनका लागि ०.५० प्रतिशत नगद लाभांश गरी कूल १० प्रतिशतका दरले लाभांश वितरण गर्ने छ ।
उक्त लाभांश नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात वितरण गरिने छ ।
प्रतिक्रिया दिनुहोस्
