मधुमेहको सबैभन्दा सस्तो र दिगो उपचार भनेको खाने र हिँड्नु हो। तर यसमा पनि एउटा समस्या छ, के कम खाने ? कति खाने ?
चिकित्सकहरू यदि राेगबाट पूर्ण मुक्त बन्ने इच्छा छ भने घर बाहिर बन्ने परिकार तथा पेय पदार्थबाट टाढा रहनुपर्ने सुझाउँछन् ।
बाहिरका खानाकाे सट्टा ताजा सागपात, घरमै बन्ने खाना खानुपर्ने सल्लाह दिन्छन् । जब खानामा तपाइँ नियन्त्रित हुनुहुन्छ, तब समस्या धेरै हदसम्म हल हुने चिकित्सकहरूकाे भनाइ छ ।
मधुमेह किन हुन्छ ?
मधुमेहलाई कतिपयले रोग होइन भन्ने मान्यता राख्छन् । यो एक समस्या हाे । हाम्रो शरीरले हामीलाई चेतावनी दिइरहेको छ कि तपाईले धेरै चिनी वा कार्बोहाइड्रेटयुक्त खान हुँदैन । जसलाई शरीरले प्रयोग गर्न सक्दैन ।
रगतमा चिनीको मात्रा धेरै हुँदा शरीरले यो चिनीलाई पिसाबको माध्यमबाट बाहिर निकाल्छ । यदि तपाईंले चिनी खानुभएन भने, तपाईंको शरीरले चिनी निकाल्न पर्दैन । मस्तिष्क, आँखा, मृगौला, मुटु र प्रजनन अंगहरूमा प्रतिकूल असर पर्ने भएकाले हामीले धेरै चिनी रगतमा रहन दिन सक्दैनौं।
कसरी समाधान गर्ने ?
याे राेगबाट मुक्त हुन सकेसम्म हिँड्नुहोस्। हिँड्दा धेरै चिनी वा कार्बोहाइड्रेट खपत हुन्छ। तथापि हिँड्ने पनि नियम छ । खाना खाएपछि पनि हिँड्नुहाेस् । प्रत्येक खानापछि बीस मिनेट हिँड्न सुरु गर्नुहोस् र बीस मिनेटको लागि फुर्सदको गतिमा हिँड्नुहोस्। यसलाई प्रयास गर्नुहोस् र तपाईंले निश्चित रूपमा लाभ पाउनुहुनेछ।
पानी प्रशस्त पिउनुहाेस्, पिएकाे पानीकाे धेरै अंश कसरत गरेर पसिना मार्फत फाल्नुहाेस् । तपाइँले शरीरमा बेग्लै अनुभूति गर्न सक्नुहुनेछ । साथै, तपाइँले मधुमेह राेगकाे पनि निदान पाउनुहुनेछ । एजेन्सीबाट
