काठमाडौं । भारतीय अभिनेता रणवीर कपूर र अभिनेत्री आलिया भट्टले गत वर्ष नोभेम्बरमा छोरीलाई जन्म दिए । उनीहरूको छोरीलाई हेर्न फ्यानहरू उत्सुकतापूर्वक पर्खिरहेका थिए ।
दुवैले धेरै कार्यक्रममा छोरी राहाको उल्लेख गरेपछि फ्यानहरूले राहाको अनुहार देखाउन अनुरोध गरिरहेका थिए । तर, आलियाले सुरुदेखि सही समय आएपछि आफ्नी छोरीलाई मिडिया र संसारमा देखाउने बताएकी थिइन् ।
यसैबीच उनीहरूले क्रिसमसको अवसरमा पहिलो पटक छोरीलाई देखाएका छन् । रणवीर र आलियाले आफ्नी छोरीसँग पोज दिएका छन् ।
रणवीर र आलिया छोरी राहासहित क्रिसमस ब्रञ्चमा पुगेका थिए । राहा बुवा रणवीरको काखमा बसेकी थिइन् ।
प्रयोगकर्ताले राहालाई आलियाको प्रतिलिपि भनेका छन् । धेरै सामाजिक सञ्जाल प्रयोगकर्ताले रणवीरको आलोचना गरिरहेका छन् ।
केही समयअघि मात्रै सामाजिक सञ्जालमा सोधिएको प्रश्नको जवाफ दिँदै आलियाले छोरी राहाबाट टाढा हुँदा आफू चिन्तित ‘एञ्जाइटी’ महसुस गर्न थालेको बताएकी थिइन् । उनले राहालाई छोड्नु आफ्ना लागि सजिलो नभएको बताइन् ।
