काठमाडौं । इञ्जिनियर तथा गायक रबिन बर्तौलाले आफ्नो नयाँ गीत सार्वजनिक गरेका छन् ।
गीतको भिडिओमा दृष्टिविहिन सुन्दरी सोफी धरेललाई पाउन उनले लाख कोशिस गरेका छन् । लामो मेहेनत र संघर्षपछि बल्ल उनी सफल भएका छन् । गायक रबिनको यस प्रेम कथा भने हालै रिलिज भएको ‘सम्झन्छु म तिमीलाई’ बोलको गीतको भिडियोको हो ।
सार्वजनिक गीतमा शब्द, संगीत र स्वर गायक बर्तौलाकै रहेको छ एरेञ्ज उदयराज पौडेलको रहेको छ । गीतमा कुमार केसीको मिक्सिङ तथा मास्टरिङ रहेको छ । यसैगरी निर्देशक केशवराज भट्टले कलात्मक शैलीमा भिडिओमा प्रस्तुत गरेका छन् ।
‘सम्झन्छु म तिमीलाई’ बोलको गीतमा गायक बर्तौला र सुन्दरी सोफी गज्जबसँग खुलेका छन् । भिडिओमा गायिका प्रेक्षा लम्सालको पनि अभिनय देख्न सकिन्छ । उत्तम हुमागाईको छायांकन रहेको गीतको सम्पादन बन्दे पाण्डे र कलरिङ प्रविन ढकालले गरेका हुन् ।
भिडिओ गायक स्वयमकै अफिसियल च्यानल रबिन बर्तौलाबाट बजारमा आएको हो । गायक बर्तौलाले यसअघि ‘कति कुरा यस्ता हुन्छन्’, माया लाउनै जानिनलगायत गीत बजारमा ल्याइसकेका छन् ।
।
