जाडो मौसमको हावा सुख्खा हुन्छ, जसले छालालाई निर्जीव बनाउँछ । जसका कारण बेलाबेलामा छाला सुख्खा हुने र फुस्रो देखिन समस्या देखिन्छ ।
यस बाहेक जब हामी तातो कोठाबाट बाहिर निस्केर चिसो हावामा जान्छौं, यसले हाम्रो छालामा नराम्रो असर गर्छ।
जाडो मौसममा चिसोका कारण हामी प्रायः पानी पनि कम पिउन थाल्छौं। तर पानी शरीर र छालाको लागि धेरै महत्त्वपूर्ण छ । कम पानी पिउनाले पनि हाम्रो छाला धेरै सुख्खा र रूखो हुन्छ । यस्तो सुख्खा छाला चाउरी पर्न थाल्छ ।
जाडाे माैसममा पनि पानीकाे मात्रा शरीरले मागेअनुसार नै पिउनुपर्ने विज्ञहरूकाे तर्क छ ।
जाडाेमा कति पाउने पिउने ?
जाडोमा छालाको विशेष हेरचाह गर्न आवश्यक छ। जसकाे लागि जाडोमा पर्याप्त मात्रामा पानी पिउनुपर्छ ।
पानी पिउनाले हाम्रो छालालाई मोइश्चराइज राख्छ र यो स्वस्थ, सुन्दर र चम्किलो रहन्छ। विज्ञहरूका अनुसार दैनिक कम्तीमा ८-१० गिलास पानी पिउनु उपयुक्त हुन्छ ।
पर्याप्त मात्रामा पानी पिउनाले शरीरमा नमी कायम रहन्छ, जसका कारण छालालाई हाइड्रेटेड राख्न सकिन्छ।
यसका साथै जाडोमा हरियो सागसब्जी र अमरुद, स्याउ, मौसमी फलफूल आदिको सेवन बढी गर्नुपर्छ । यी सबैले छालालाई हाइड्रेटेड राख्छ।
जाडोमा पानी कम पिउँदा के हुन्छ जान्नुहोस् ?
छाला र ओठ सुख्खा हुन्छ- जाडोमा हामी कम पानी पिउने गर्छौं । शरीरमा पानीको कमीका कारण ओठ सुख्खा हुन्छ र फुट्छ । जसले अन्य समस्या पनि निम्त्याउँछ ।
टाउको दुखाइ र थकान महसुस – शरीरमा निर्जलीकरणले टाउको दुखाइ र तनाव उत्पन्न गर्न सक्छ। जसकाे समाधान पर्याप्त पानी पिउनु हाे ।
पेटसँग सम्बन्धित समस्या – कब्जियत, एसिडिटी र अपच जस्ता समस्या पानीकै कारण हुन्छन् ।
तौल बढ्न सक्छ – पानी पिउनाले तौल घटाउन मद्दत गर्छ, यो बिना तौल बढ्दैन। जाडाेमा अनावश्यक ताैल बढ्नुकाे कारण पानी नपिउनु पनि हाे ।
प्रतिरक्षा प्रणाली कमजोर – पानी शरिरका लागि अनिवार्य तत्व हाे । यसले शरीरको रोग प्रतिरोधात्मक क्षमता बढाउँछ । यदि पर्याप्त पानी नपिएमा शरीरमा अन्य समस्या देखिन थाल्छन् । एजेन्सीबाट
