काठमाडौं । बालबालिकामा मस्तिष्क विकासमा आउने समस्यालाई अटिजम भनिन्छ । यसलाई वैज्ञानिक भाषामा ‘न्युरो डेभलपमेन्ट डिसअर्डर’ भनिन्छ ।
अटिजम भएका बच्चाहरू एक्लै खेल्न, उमेरअनुसार बोली नआउने, साथीभाइसँग घुलमिल नहुने, एकोहोरो बस्ने, कुराकानी नगर्ने जस्ता लक्षण देखा पर्न सक्दछ ।
पछिल्लो समय टीभी, कम्युटर, मोबाइल जस्ता उपकरण अधिक हेर्ने बच्चाहरूलाई भर्चुअल अटिजम हुन सक्दछ ।
कसरी जोगाउन भर्चुअल अटिजमसँग
भर्चुअल अटिजम भएका बच्चालाई टीभी, मोबाइललगायत विद्युतीय उपकरणको स्क्रिनबाट टाढा राख्नु पर्छ । स्क्रिनबाट ६ महिना टाढा राख्न सके बच्चालाई यो रोग निको हुन सक्दछ ।
थेरापीबाट पनि अटिजमको केही हदसम्म राहत पाउन सक्दछ । थेरापीबाट शारीरिक तथा मानसिक क्षमताको विकास हुने, रमाउने, आराम मिल्ने र रोगप्रतिरोधक क्षमताको विकास हुन टेवा पुग्दछ ।
यसका लागि चिकित्सकसँग परिवारका सदस्यले थेरापी सिकेर घरमै बच्चालाई सिकाउन सक्दछ ।
अटिजमबाट बच्न के गर्ने ?
अटिजमबाट बच्चालाई जोगाउन दैनिक ३० मिनेट उनीहरूसँग समय बिताउने, घुलमिल हुने, कुराकानी गर्ने, मोबाइलभन्दा किताब हेर्न लगाउने गर्नु पर्दछ ।
यस्तै, टीभी कम हेर्न दिने, बच्चासँग बच्चाकै व्यवहार गर्ने, बच्चालाई खेल्न प्रेरित गर्ने, साथीभाइसँग घुलमिल गराउने, कुराकानी गर्नेजस्ता विषयमा जोड दिनु पर्दछ ।
