काठमाडौं । भारतीय अभिनेत्री रश्मिका मण्डनाले सन् २०१६ मा ऋषभ शेट्टीको फिल्म ‘किरिक पार्टी’बाट आफ्नो करियर सुरु गरेकी थिइन् ।
मण्डनाको सात वर्षको यात्रा गजबको रह्यो । धेरै हिट र सुपरहिट फिल्म दिएर सिनेमामा आफ्नो परिचय बनाएकी उनको यो यात्रा जारी छ ।
मण्डनाले इन्स्टाग्राम स्टोरीमा एक पोस्टमार्फत उद्योगमा सात वर्ष पूरा गरेकोमा आफ्नो भावना व्यक्त गरेकी छन् । उनले पोस्टमा लेखेकी छिन्, ‘७ वर्षको यात्रा साँच्चै राम्रो रह्यो, तपाईंले मलाई साथ दिनु भयो, तपाईंले मसँग धैर्य गर्नु भयो, तपाईंले मलाई बढ्दै गएको देख्नु भयो र आज म जस्तो छु र तपाईंको धैर्यताको लागि धन्यवाद, धेरै धेरै सुन्दर वर्षहरू सँगै, धन्यवाद । म तिमीलाई माया गर्छु ।’
मण्डनाको पहिलो फिल्म किरिक पार्टी सन् २०१६ को सुपरहिट फिल्ममध्ये एक थियो । आफ्नो पहिलो फिल्ममा उनले सावीको चरित्रमा जीवन्त सास भरेकी थिइन् । यसैबाट उनी करोडौंको मनमा बस्न सकिन् ।
उनले समीक्षकबाट धेरै प्रशंसा पाइन् । उनले उत्कृष्ट डेब्युको लागि सीमा अवार्ड पनि जितेकी थिइन् । त्यसपछि मण्डनाले चमक, अञ्जनी पुत्र, चलो जस्ता धेरै फिल्ममा काम गरिन् ।
रश्मिका मन्डन्नाको फिल्म गीता गोविन्दम (२०१८)को अफवाह प्रेमी विजय देवकोण्डाको साथले उनलाई विश्वव्यापी मान्यता दियो ।
सन् २०२१ मा आएको ब्लकबस्टर फिल्म पुष्पमा काम गरेपछि मण्डना बलिउडतर्फ मोडिन् । गुडबाय फिल्मबाट हिन्दी सिनेमामा प्रवेश गरेकी उनको हालै ब्लकबस्टर हिन्दी फिल्म एनिमलमा देखिन् ।
