काठमाडौं । नागरिक उन्मुक्ति पार्टी (नाउपा)का संरक्षक रेशमलाल चौधरीले राष्ट्रिय सभा निर्वाचनमा आफ्नो पार्टीले एक सिट पाउने बताएका छन् ।
कैलालीको धनगढीमा बुधबार आयोजित पत्रकार सम्मेलनमा उनले सत्ता गठबन्धनभित्र आफ्नो पार्टीलाई सुदूरपश्चिम प्रदेशबाट एउटा सिट दिने समझदारी भएको बताएका हुन् ।
राष्ट्रिय सभाको १९ पदका लागि आगामी माघ ११ गते निर्वाचन हुँदैछ । यसका लागि पुस २२ गते मनोनयन दर्ता गर्ने कार्य तालिका छ । त्यसअघि सत्ता गठबन्धनबीच समझदारी कायम गर्न पुस २१ गते शीर्ष नेताबीच बैठक बस्दै छ ।
राष्ट्रिय सभाको निर्वाचनका लागि सत्ता गठबन्धन दलहरूका नेताहरूबीच छलफल भइरहेको छ । बुधबार पनि बालुवाटारमा प्रधानमन्त्री पुष्पकमल दाहाल ‘प्रचण्ड’ गठबन्धनका नेताहरूसँग छलफलमा बसेका थिए ।
प्रतिक्रिया दिनुहोस्
