काठमाडौं । अलास्का एयरलाइन्सको बोइङ विमान ठूलो दुर्घटनाबाट बचेको छ । बोइङ ७३७-९ म्याक्स विमानले उडान भरेको केही मिनेटमै आकाशमा ढोका खोल्दा आपतकालीन अवतरण गरेको हो ।
यात्रुहरूले खिचेको भिडिओले विमानको बीचको केबिनको ढोका पूर्ण रूपमा अलग भएको देखाएको छ ।
विमान पोर्टल्याण्डबाट क्यालिफोर्नियाको ओन्टारियो जाँदै थियो । विमान उडेको केही समयपछि घटना भएको हो । विमानमा १७१ जना र ६ जना चालक दलका सदस्य सवार थिए ।
ढोका छुट्टिएको थाहा पाएपछि विमान पोर्टल्याण्ड अन्तर्राष्ट्रिय विमानस्थलमा सुरक्षित अवतरण भएको थियो ।
घटनापछि अलास्का एयरलाइन्सले ट्वीटरमा लेखेको छ, ‘हामी घटनाको अनुसन्धान गरिरहेका छौँ, के र कसरी भयो भन्ने कुरा पत्ता लगाउन प्रयास गरिरहेका छौँ ।’
प्रतिक्रिया दिनुहोस्
