काठमाडौं । सोमबार शेयर बजार परिसूचक नेप्से ३६ अंकभन्दा बढीले बढेको छ । साताको पहिलो दिन २६ अंकले घटेको बजारमा दोसो दिन ३६.५७ अंकले बढेको हो ।
सोमबरा म्युचुअल फण्डबाहेक सबै उपसूचक बढेका छन् । जीवन बीमा समूहको उपसूचक सबैभन्दा बढी ३.७२ प्रतिशतले वृद्धि हुँदा हाइड्रोपावर समूहको उपसूचक २.८१ प्रतिशतले बढेका छन् ।
यस्तै, चार वटा कम्पनीको शेयर मूल्यमा सर्किट लाग्दा आजै दोस्रो बजारमा कारोबार सुरु भएको हिमालयन रि–इन्स्योरेन्स कम्पनीको शेयर मूल्य ९.९९ प्रतिशतले बढेको छ । कम्पनीले दोस्रो बजारमा कारोबारको सुरुवाती मूल्य ३०९ रुपैयाँ पाएको थियो ।
आज कूल चार अर्ब ६७ करोड ५२ लाख रुपैयाँ बराबरको कारोबार भएको छ ।
प्रतिक्रिया दिनुहोस्
