काठमाडौं । मंगलबार साँझ काठमाडौंको बुढानीलकण्ठबाट पक्राउ परेका रामबहादुर बम्जनको घरबाट प्रहरीले झण्डै साढे तीन करोडभन्दा बढी नगद बरामद गरेको छ ।
केन्द्रीय अनुसन्धान ब्युरो (सीआईबी) बम्जनको घरबाट तीन करोड ३४ लाख नगद, १४ वटा मोबाइल, दुई गाडी र चार मोटरसाइकल पनि बरामद गरेको थियो ।
सोही विषयलाई लिएर कलाकार दीपकराज गिरीले सामाजिक सञ्जालमा व्यङ्ग्य प्रहार गरेका छन् । उनले ‘जोगीको घरमा तीन करोड हुन्छ, भने भोगीको घरमा कति होला ?’ भन्दै प्रश्न गरेका हुन् ।
उनले सामाजिक सञ्जालमा लेखेका छन् ‘पैसा कहाँ गयो ? पैसा कहाँ गयो ? अर्थविद्हरू चिन्ता गर्दथे क्यार, जोगीको घरमा तीन करोड हुन्छ, भने भोगीको घरमा कति होला ?’
प्रतिक्रिया दिनुहोस्
