काठमाडौं । नेकपा एकीकृत समाजवादीका अध्यक्ष माधव नेपालले आफ्नै शक्तिमा चुनाव जित्ने गरी तयारी गर्नु पर्ने बताएका छन् ।
शनिबार काठमाडौंमा आयोजित कार्यक्रमलाई सम्बोधन गर्दै अध्यक्ष नेपालले यसअघि गठबन्धनको साथमा चुनाव लड्दा अपेक्षित नजिता हासिल गर्न नसकेको भन्दै अब आफ्नै तयारी गर्नु पर्ने बताए ।
उनले सिंगो मुलुकको विकास खाका आफ्नो पार्टीले तयार गरेको भन्दै नेता कार्यकर्ताले जनतामाझ गएर त्यसलाई बुझाउन सक्नु पर्ने उल्लेख गरे । उनले सबै प्रदेशमा पार्टीको अस्तित्व देखिएको र अब पालिकामा अस्तित्व देखिने गरी काम गर्नु पर्ने बताए ।
उनले यसअघि कम्युनिष्ट दलहरू बहुमतको नजिक पुगे पनि त्यसलाई जोगाउन नसकिएको भन्दै पुनः कम्युनिष्ट शक्तिलाई एकताबद्ध गर्नका लागि पहल भइरहेको जिकीर गरे ।
प्रतिक्रिया दिनुहोस्
