काठमाडौं । जारी प्रधानमन्त्री कप क्रिकेट प्रतियोगिताअन्तर्गत एपीएफ क्लबका सन्दीप जोराले शतक बनाएका छन् ।
एपीएफ क्लबका जोराले बागमती प्रदेशविरुद्ध शतक बनाएका हुन् । कप्तान रोहित पौडेल, विकेटकिपर आसिफ शेखसहित अन्य ब्याट्सम्यान चल्न नसके अवस्थामा जोराले इनिङ सम्हालेका हुन् ।
पहिला ब्याटिङ गरेको एपीएफले निर्धारित ५० ओभरमा ९ विकेट गुमाएर २४१ रन बनाउँदा जोराले ११२ रन बनाए । उनले ११७ बलमा ५ छक्का र ७ चौका बनाएका हुन् ।
यसअघि कप्तान रोहितले २ र आसिफले १५ रन मात्रै बनाए । ओपनर प्रज्वल शाहीले १० रन बनाए भने पूरन विकेले खाता खोल्न सकेनन् ।
प्रतिक्रिया दिनुहोस्
