चुकन्दर एक फलफुल हो जसमा भिटामिन ए, सी र धेरै खनिजहरू छन्। चुकन्दरमा एन्टिअक्सिडेन्ट जस्ता धेरै पोषक तत्वहरू पाइन्छ।
चुकन्दर खाँदा रगतमा चिनी नियन्त्रण हुन्छ, रोग प्रतिरोधात्मक क्षमता बलियो हुन्छ । साथै, छाला र आँखाका लागि फाइदाजनक हुन्छ ।
चुकन्दर खानुका धेरै फाइदाहरू छन् तर, केही मानिसहरूलाई बेफाइदा पनि हुनसक्छ। यहाँ कस्ता मान्छेले चुकन्दर खान नहुने भन्ने विषयमा चर्चा गरिएकाे छ ।
मृगाैलाको पत्थरी
चुकन्दरमा अक्सालेट नामक तत्व हुन्छ, जसले मृगौलामा पत्थरी बनाउन सक्छ । त्यसैले मृगाैलामा पत्थरीको समस्या भएका मानिसहरूले चुकन्दरको सेवन गर्नु हुँदैन। चुकन्दर खाँदा मृगौलामा पत्थरीकाे समस्या थप बढ्छ ।
ब्लड प्रेसर कम हुनेले खान हुँदैन
चुकन्दरमा पोटासियमको मात्रा उच्च हुन्छ । पोटासियमले रक्तचाप कम गर्न मद्दत गर्छ। यस्तो अवस्थामा यदि ब्लड प्रेसर पहिले नै कम छ भने चुकन्दर खाँदा ब्लड प्रेसरलाई अझ कम गर्न सक्छ ।
यसले थकान, चक्कर लाग्ने, बेहोस हुने जस्ता समस्या निम्त्याउन सक्छ। त्यसैले कम रक्तचापका बिरामीले चुकन्दरको सेवन गर्नु हुँदैन ।
कलेजोमा हानि पुर्याउँछ
चुकन्दरमा पाइने तत्व कलेजोका लागि निकै भारी हुन्छ । चुकन्दर खाँदा कलेजोमा अतिरिक्त भार पर्छ, जसले कलेजोमा दबाब बढाउँछ । यदि कलेजोको क्षमता पहिले नै कमजोर छ भने, यो अझ हानिकारक साबित हुन सक्छ।
कलेजो सुन्निने, संक्रमणको जोखिम हुने र कलेजोसँग सम्बन्धित रोगले गम्भीर रुप लिन सक्छ । तसर्थ, पहिलेदेखि नै कलेजोसम्बन्धी रोग भएका व्यक्तिहरूले चुकन्दरको सेवन गर्नु हुँदैन।
एलर्जी
कतिपयमा चुकन्दर खाँदा एलर्जीकाे समस्या देखिने गर्दछ । यदि एलर्जी देखिन्छ भने चुकन्दरबाट जाेगिनु पर्दछ । नत्र एलर्जीले गहिराे प्रभाव पार्न सक्छ । एजेन्सीबाट
