काठमाडौं । प्रधानमन्त्री कप एक दिवसीय राष्ट्रिय क्रिकेट प्रतियोगितामा कोशी प्रदेशले नेपाल पुलिस क्लबलाई जितका लागि १६७ रनको चुनौती दिएको छ ।
कीर्तिपुरस्थित त्रिवि मैदानमा मंगलबार जारी खेलमा कोशी प्रदेशले ४८ दशमलव दुई ओभरमा सबै विकेट गुमाउँदै १६६ रनको योगफल बनायो ।
कोशीका लागि सुजन थपलियाले १०५ रनको योगदान गरे । उनले १२६ बलमा आठ छक्का र ६ चौकाको मद्दतले सर्वाधिक १०५ रनको योगदान गरेका हुन् ।
यसैगरी, अभ्यास तिमिल्सिनाले २३ र कप्तान अङ्कित सुवेदीले १० रन बनाए । सुजनले आठौँ विकेटका लागि अभ्याससँग ९९ रनको साझेदारी गरे ।
पुलिसका लागि करण केसीले तीन विकेट लिए भने ललितनारायण राजवंशी र सुनिल धमलाले समान दुई–दुई विकेट झारे । त्यसैगरी, राशिद खान, सागर ढकाल र कुशल भुर्तेलले समान एक–एक विकेट लिए ।
प्रतिक्रिया दिनुहोस्
