काठमाडौं । अमेरिकी अदालतले आमाको हत्या गर्ने एक महिलालाई २६ वर्षको जेल सजाय सुनाएको छ । बीबीसी रिपोर्टअनुसार हेदर म्याकले आफ्नो प्रेमी टमी शेफरसँग मिलेर सन् २०१४ मा इण्डोनेसियाको बालीमा आमाको हत्या गरेका थिए ।
हेदरले आमाको हत्या गरी सुटकेसमा शव फेला पारेको प्रहरीले जनाएको छ । प्रहरीका अनुसार पैसाका लागि हेदरले आमाको हत्या गरेकी हुन् । आमाको मृत्युपछि उनले करिब २० करोड रुपैयाँ पाउने थिए ।
आमाको हत्या अभियोगमा दोस्रो पटक सजाय
हेदरलाई दोस्रो पटक जेल सजाय सुनाइएको छ । यसअघि सन् २०१५ मा इण्डोनेसियाको अदालतले उनलाई १० वर्षको जेल सजाय सुनाएको थियो । तर, उनलाई २०२१ मा अमेरिका सुपुर्दगी गरिएको थियो ।
अमेरिका आएपछि विदेशी भूमिमा अमेरिकी नागरिकको हत्या गरेको आरोपमा पक्राउ परेका थिए । अदालतमा मुद्दा चल्यो । यसैबीच, उनी शिकागो जेलमा पुगिन् ।
अब हेदरलाई २३ वर्ष जेल सजाय
यही जनवरी १८ मा अदालतले हेदरलाई 26 वर्षको सजाय सुनाएको थियो । उनका प्रेमी अझै इण्डोनेसियाको जेलमा सजाय काटिरहेका छन् ।
न्यायाधीशले भने, “हेदर २०२१ देखि जेलमा छिन्, उनले पहिले नै २६ मध्ये ३ वर्ष जेलमा बिताइसकेकी छिन्, त्यसैले उनले अबको २३ वर्ष जेलमा बिताउने छिन् ।”
यसरी भएको थियो हत्या
हेदर आफ्नी आमासँग अमेरिकाको शिकागोमा बस्दै आएकी थिइन् । सन् २०१४ मा उनी आमासँग छुट्टी मनाउन इण्डोनेसियाको बाली गएकी थिइन् ।
दुवै जना होटलमा बसेका थिए । त्यतिबेला हेदर १८ वर्षकी थिइन् । उनी पनि गर्भवती थिइन् । उनले आफ्नो प्रेमी टमी शेफरलाई बालीमा निम्तो दिएकी थिइन् । सही क्षण देखेर उनीहरूले आमाको हत्या गरे । एजेन्सी
