काठमाडौं । पूर्व युवराज्ञी हिमानी शाहसँग अभिनेत्री मनिषा कोइरालाले भेट गरेकी छिन् । पूर्वयुवराज्ञी शाहसँगको भेट भएको तस्बिर सार्वजनिक गर्दै कोइरालाले ‘अर्थपूर्ण संवाद’ भएको बताएकी छिन् ।
“प्रिन्सेस हिमानी शाहसँगको भेटमा अर्थपूर्ण संवाद भयो, उनको सुन्दर र सरल व्यवहारले धेरैको मन जितेको छ”, सामाजिक सञ्जालमा कोइरालाले लेखेकी छिन् ।
भेटपछि खिचिएको तस्बिरमा दुवैको मुहार निकै हँसिलो देखिन्छ । दुईबीच गत आइतबार भेट भएको हो ।
पछिल्लो समय कोइराला राजसंस्था फिर्ता गर्ने अभियानमा सरिक छिन् । उनले राजसंस्था पक्षधरसँग सम्बन्ध बढाइरहेकी छिन् ।
यद्यपि, सार्वजनिक भेट एक ‘भ्वाइस अफ यूथ’ नामक भिडियो कार्यक्रमका लागि भएकाे हाे । राजधानीको होटल सोल्टीमा भएकाे यो कार्यक्रम आगामी साता भिवाईएफ टक्स नामक यूट्युब च्यानलमार्फत सार्वजनिक हुने जनाइएको छ ।
जसमा शाह अथितिको रुपमा रहेकी छिन् भने कोइराला प्रस्तुतकर्ताको रुपमा रहेकी छिन् ।
