धेरैजसो महिलालाई महिनावारीको समयमा धेरै पीडा हुन्छ । पेट, कम्मर र तिघ्राको दुखाइ यति तीव्र हुन्छ कि पूरै शरीर दुख्न थाल्छ।
कतिपय महिलाले पीडाबाट छुटकारा पाउन पिरियड पेन किलर ट्याब्लेट पनि प्रयोग गर्छन् भने केही महिलाले चकलेटको सहारा लिन्छन् । महिनावारीको समयमा चकलेट खाँदा धेरै हदसम्म पीडाबाट छुटकारा मिल्ने धेरै महिलाहरू विश्वास गर्छन्।
चकलेट ती खानेकुराहरू मध्ये एक हो जुन महिलाहरूले महिनावारीको समयमा धेरै खान मन पराउँछन्। सामान्यतयाः डार्क चकलेट महिनावारी दुखाइ कम गर्नको लागी खाने गरेकाे पाइन्छ । किनभने यसमा कोको बीन्स हुन्छ, जुन फ्लेभोनोइड्सको राम्रो स्रोत हो।
चकलेट र महिनावारी
महिलालाई हर्मोनल परिवर्तनका कारण चकलेट जस्ता खानेकुराको लालसा उत्पन्न हुन्छ भन्ने कुरालाई नकार्न सकिँदैन । यो खाँदा महिनावारीको समयमा पनि केही समय आराम मिल्छ । यही कारणले गर्दा अधिकांश महिलालाई महिनावारीको समयमा चकलेट खाने इच्छा हुन्छ ।
एक अध्ययन अनुसार हर्मोनल परिवर्तनलाई ठिक ठाउँमा राख्न चकलेटले भूमिका खेल्छ ।
एक रिपोर्टअनुसार, चकलेट खाँदा महिलाहरु राम्रो मुडमा रहन्छन् र उनीहरु खुशी महसुस गर्छन् । विशेषगरी डार्क चकलेटमा सेरोटोनिन हुन्छ, एन्टीडिप्रेसेन्ट, जसले तपाईंलाई आराम गर्न मद्दत गर्दछ। डार्क चकलेटमा पाइने फ्लाभानोल्सले मुड सुधार्न र आनन्दको अनुभूति दिन मद्दत गर्छ।
चकलेटले महिनावारीको समयमा महिलाहरूमा हुने तनावलाई कम गर्छ। महिनावारीका कारण हुने दुखाइका कारण घरायसी काम वा अन्य काम गर्न कठिनाइ महसुस हुन्छ । चकलेटले कोर्टिसोलको स्तर घटाउँछ, जुन तनाव हार्मोन हो।
पिरियड क्र्याम्पको समस्यालाई हटाउन चकलेट सहयोगी हुन्छ । महिनावारी हुँदा धेरै महिलालाई असह्य पीडा हुन्छ । ती क्र्याम्पहरूको लागि चकलेट उत्तम समाधान हो। डार्क चकलेटमा फिनोल र फ्लेभोनोइड्स जस्ता एन्टिअक्सिडेन्टहरू हुन्छन्। यसमा क्याल्सियम, पोटासियम, आइरन, केही मात्रामा ओमेगा–३ र ६ र म्याग्नेसियम जस्ता खनिजहरू पनि पाइन्छ ।
महिनावारीको समयमा मनपर्ने खानाको लालसा हुनु सामान्य कुरा हो। महिनावारीको समयमा, प्रोजेस्टेरोन र एस्ट्रोजनको उत्पादन घट्छ, जसले मनपर्ने खानेकुराहरूको लालसा बढाउँछ। चकलेट धेरैजसो महिलाहरूको लागि आरामदायी र सुखदायक उत्पादन हो, जसले उनीहरूको मुड राम्रो राख्न मद्दत गर्दछ। एजेन्सीबाट
