काठमाडौं । विश्वको सर्वाधिक धनी व्यक्तिको सूचीमा फ्रान्सेली व्यापारी तथा लक्जरी ब्राण्ड लुँई भिटोँका संस्थापक बर्नार्ड अर्नाल्ट पहिलो बनेका छन् ।
अमेरिकी आर्थिक पत्रिका फोब्र्सको रियल टाइम बिलेनियर्स इण्डेक्सका अनुसार एलभीएमएचका अध्यक्ष अर्नाल्टको सम्पत्ति २०७ अर्ब ८० करोड अमेरिकी डलर रहेको छ । उनको सम्पत्ति शुक्रबार एकै दिन २३ अर्ब ६० करोड डलरले बढेसँगै उनी पहिलो स्थानमा पुगेका हुन् ।
यस्तै, अमेरिकी विद्युतीय सवारी साधन निर्माता कम्पनी टेस्लाका संस्थापक तथा सीईओ एलन मस्कको सम्पत्ति २०४ अर्ब ७० करोड डलर रहेको छ । उनी धनीको सूचीमा दोस्रोे स्थानमा छन् ।
तेस्रो स्थानमा अमेरिकी अनलाइन खुद्रा कम्पनी एमेजनका संस्थापक तथा सीईओ जेफ बेजोस छन् । उनको नेटवर्थ १८१ अर्ब ३० करोड डलर रहेको छ ।
नेपालका एक मात्र डलर अर्बपछि विनोद चौधरी १६३७ औँ स्थानमा रहेका छन् । उनको कूल सम्पत्ति एक अर्ब ८० करोड डलर रहेको छ ।
