काठमाडौं । पूर्वराष्ट्रपति विद्यादेवी भण्डारीले नेकपा एमालेका अध्यक्ष एवं पूर्वप्रधानमन्त्री केपी शर्मा ओलीको प्रशंसा गरेकी छन् । उनले अध्यक्ष ओली नेपाली राजनीतिमा सर्वाधिक प्रतिभाशाली नेता भन्दै प्रशंसा गरेकी हुन् ।
मंगलबार काठमाडौंमा आयोजित कार्यक्रम ‘संसदमा केपी शर्मा ओली’ नामक पुस्तक लोकार्पण गर्दै उनले ओली सबैका लागि प्रेरणा र ज्ञानको स्रोतको रुपमा हुने नेता भएको दाबी गरिन् ।
पूर्वराष्ट्रपति भण्डारीले सो पुस्तकले नेपाली संसदको इतिहास, नेपालको तत्कालीन राजनीतिक अवस्था र परिवर्तनका सम्बन्धमा एमालेले खेलेको भूमिकासमेत उजागर गरेको बताएकी थिइन् ।
पूर्वराष्ट्रपति भण्डारीले ओलीको पुस्तक नेताहरूलाई जनतासँग गरेका बाचा पूरा गराउन उपयोगी हुने बताइन् ।
प्रतिक्रिया दिनुहोस्
