काठमाडौं । पोखरामा निर्माणाधीन होटेलको छतबाट खसेर एक इञ्जिनियरको मृत्यु भएको छ । मंगलबार ‘लेक साइड’मा निर्माणाधीन घरबाट खसेर ३७ वर्षीय प्रवीण भट्टराईको मृत्यु भएको हो ।
चिनीमाया भण्डारीको होटेलको पाँचौँ तलाबाट सोलार जाँच गर्ने क्रममा चिप्लिएर भट्टराई खसेका थिए । गम्भीर घाइते उनको गण्डकी मेडिकल कलेजमा उपचार हुँदै गर्दा मृत्यु भएको हो ।
उनी मुक्ति इनर्जीबाट उक्त काममा खटिएका थिए । उनको शव पोस्टमार्टमका लागि पश्चिमाञ्चल क्षेत्रीय अस्पतालमा राखिएको प्रहरीले जनाएको छ ।
प्रतिक्रिया दिनुहोस्
