फिल्म ‘ह्रस्व दीर्घ’को फस्टलुक पेस्टर सार्वजनिक गर्दै प्रदर्शन मिति घोषणा गरिएको छ ।
साउथका चर्चित कलाकार ब्रह्मानन्दमको जन्मदिनको अवसरमा पारेर दुई भाषामा पोस्टर तयार पार्दै फिल्मको फस्टलुक पोस्टर र प्रर्दशन मिति सार्वजनिक गरिएको हो ।
नायिका नीता ढुंगानाले निर्माण गरेको यो फिल्म आउँदो बर्षको असोजको ११ गतेबाट रिलिज गर्ने तयारी गरिएको छ । साथै, फिल्मको सार्वजनिक गरिएको फस्टलुक पोस्टर ब्रह्मानन्दमलाई मुस्कुराइ रहेको देख्न सकिन्छ । जसमा ब्रह्मानन्दमले नेपाली टोपी र त्रिचन्दन लागाएको भेषमा देख्न सकिन्छ ।
चन्द्र पन्तले निर्देशन गरेको फिल्ममा हरिहर अधिकारीको कथा, कविरलालको छायांकन, नीता ढुंगानाको लगानी छ ।
फिल्म ‘ह्रस्व दीर्घ’मा नीता ढुंगाना, हरिहर अधिकारी, विपना थापा, सरोज खनाल, किरण केसी गरिमा शर्मा लगायतका कलाकारको अभिनय छ । यसै फिल्मबाट अभिनेत्री विपना थापाले नेपाली फिल्ममा करिब १२ वर्षपछि पुनरागमन गर्दै छिन् । यो फिल्ममा दक्षिण भारतीय मुलका कलाकारहरुको अभिनय रहेको छ ।
यो फिल्मको कथावस्तुको विषयमा निर्माणपक्षले केही पनि बताएको छैन । फिल्मको पहिलो र दोस्रो सेड्यूलको छायांकन सकिएको छ । तेस्रो सेड्यूलको छायांकन भारतमा गर्ने तयारी गरिएको छ ।
