आज मिति २०८० साल माघ २१ गते आइतबार । तदनुसार फ्रेबुअरी महिनाको ४ तारिख २०२४ । माघ कृष्ण पक्ष नवमी तिथि । बिहान ६ बजेर ४९ मिनेट जाँदा झुल्किएको घाम साँझ ५ बजेर ४६ मिनेटमा अस्ताउने छ ।
मेष
काम मुस्किलले सम्पादन हुने छन् । आफ्ना काममा अरूको मुख ताक्ने बानीले पनि पछि परिने छ । कामको उचित मूल्यांकन भए पनि प्रतिफल हातपार्न केही समय लाग्ने छ ।
वृष
आर्जित द्रव्य अरूलाई दिने नभई भित्र्याउने समय छ । दिएको धनमाल पछि आफैंलाई आवश्यक पर्न सक्छ । पुरानो सम्झौता नवीकरण हुनाले पछिसम्म फाइदा हुनेछ ।
मिथुन
मिहिनेतले प्रतिद्वन्द्वीहरूलाई हराउन सकिने छ । कर्मको उचित प्रतिफल पाइने छ । पुरुषार्थी कामले समाजमा स्थापित बनाउने छ । नयाँ काममा जग बसाउने मौका छ ।
कर्कट
अरूले फाइदा उठाउने चेष्टा गर्ने छन् । तापनि सम्पादित कामबाट केही धन लाभ हुनेछ । मिहिनेतले आम्दानी बढ्ने छ । तर, विवादास्पद जिम्मेवारी वहन गर्नु पर्ने परिस्थिति आउन सक्छ ।
सिंह
मिहिनेत गर्दा पछिका लागि काम गर्न सकिने छ । स्वास्थ्यका लागि खानपानमा सजग रहनु होला । सानातिना समस्यामै अल्झनु पर्नेछ । अरूले आफ्ना कमजोरीको फाइदा उठाउने चेष्टा गर्ने छन् ।
कन्या
टाढाका साथीभाइको निम्तो प्राप्त हुने समय छ । अवसरको खोजीमा केही दौडधुप भने गर्नु पर्ला । चुनौती पन्छाउँदै रोकिएका काम सम्पादन गर्न सकिने छ ।
तुला
रुचिका विषयमा लगानी बढाउने समय छ । व्यापारमा थोरै लगानीबाट पनि लाभ आर्जन हुनेछ । नयाँ कामतर्फ अग्रसर भइने छ र छोटो समयमै काम बनाउन सकिने छ ।
वृश्चिक
कामको सन्दर्भमा पदासीन व्यक्तिहरूसँग वादविवाद हुन सक्छ । रोकिएका काममा दोहोर्याएर प्रयत्न गर्नु होला । व्यवसायमा लाभ लिन केही समय लाग्न सक्छ ।
धनु
टाढिएका साथीभाइ नजिकिनाले हर्ष बढ्ने छ । भाग्यले विभिन्न अवसर थमाउने छ । उपलब्धिको स्रोत पहिल्याउन सकिने छ । अरूको काममा जुट्नु परे पनि फाइदा आफैंलाई हुने छ ।
मकर
शरीरमा कमजोरी अनुभूति हुनेछ । स्वास्थ्यका लागि आहार–विहारमा सजग हुनु होला । गोपनीयता बाहिरिनाले केही समस्या देखा पर्ने छन् । तापनि नियमित काम सम्पादन हुनेछ ।
कुम्भ
आफ्ना कमजोरीको फाइदा उठाउनेहरू सक्रिय हुने छन् । व्यापारिक लगानीमा जोखिम बढ्न सक्छ । आफ्ना विषयवस्तुमा अरूले दाबी गर्न सक्छन् । नतिजा सच्याउन काम दोहोर्याउनु पर्ला ।
मीन
काममा बाधा पुर्याउनेहरू प्रशस्तै हुने छन् । यात्रा गर्दा धनमाल सुरक्षामा ध्यान दिनु होला । काम बिग्रने भयले पनि सताउने छ । पहिलेका समस्या दोहोरिनाले अलमलमा परिएला ।
