पाठेघरको मुखको क्यान्सर महिलामा हुने एउटा यस्तो खतरनाक रोग हो, जसका कारण वर्षेनी धेरै महिलाको ज्यान जाने गर्छ । निकै गम्भीर प्रकृतिको रोगको रुपमा रहेको पाठेघरको मुखको क्यान्सरको उपचारको पनि खोजी हुन थालेको छ ।
अहिले विशेषगरी यस रोग लाग्नै नदिन भ्याक्सिन प्रयोगमा ल्याउन थालिएको छ ।
नेपालमा पनि यस भ्याक्सिन प्रयोगमा ल्याएको पाइन्छ । तर, आज पनि पाठेघरको मुखको क्यान्सर र यसको खोपबारे जानकारीको भने ठूलो अभाव छ ।
धेरैजसो महिलाहरूलाई पाठेघरको मुखको क्यान्सरबाट बच्ने खोप छ वा छैन र यदि छ भने कहिले लगाइन्छ भन्ने पनि थाहा हुँदैन। यही सूचनाको अभावका कारण देशमा पाठेघरको मुखको क्यान्सरका बिरामी बढ्दै गएका छन् । जबकी खोप लगाएर यो क्यान्सर लाग्ने जोखिम ७० देखि ८० प्रतिशतले घटाउन सकिन्छ ।
यस्तो अवस्थामा आज हामी तपाईलाई पाठेघरको मुखको क्यान्सर भ्याक्सिन लगाउने सबैभन्दा राम्रो उमेर कुन हो भनेर बताउन गइरहेका छौं।
पाठेघरको मुखको क्यान्सर भनेको के हो ?
विज्ञहरूका अनुसार पाठेघरको कोषिका अनियन्त्रितरूपमा बढ्न थालेपछि पाठेघरको मुखको क्यान्सर हुन्छ । यो क्यान्सरको कारण एचपीभी नामक भाइरस हो। यो विशेषगरी धेरै असुरक्षित यौनसम्पर्क गर्ने वा एकभन्दा बढी व्यक्तिसँग सम्बन्ध राख्ने महिलामा बढी देखिन्छ । रोग प्रतिरोधात्मक क्षमता कमजोर भएका महिलालाई क्यान्सर हुने सम्भावना बढी हुन्छ ।
एचपीभी भाइरस भएको महिलालाई पाठेघरको मुखको क्यान्सर हुन्छ भन्ने जरुरी छैन । तर, सही समयमा यसको खोप लगाएर यो क्यान्सरबाट बच्न सम्भव छ।
पाठेघरको मुखको क्यान्सरको खोप कहिले लगाउनुपर्छ ?
स्त्री रोग विशेषज्ञहरुका अनुसार पाठेघरको मुखको क्यान्सरबाट बच्न चाहनुहुन्छ भने ९ देखि १४ वर्षसम्म खोप लगाउँदा बढी फाइदा हुन्छ । तर, यो खोप २६ वर्षको उमेरसम्म लगाउन सकिन्छ।
यसको मतलब यो हो कि पाठेघरको मुखको क्यान्सरको भ्याक्सिन यौन सक्रिय हुनुअघि प्रशासित हुनुपर्छ। कतिपयले २६ वर्षपछि खोप दिनु हुँदैन भन्ने पनि भनेको पाइन्छ । तथापि, यसबारे विज्ञहरू जुनसुकै उमेरमा पनि खोप लगाउन सकिने बताउँछन् ।
तर, खोपबाट अधिकतम लाभ लिन चाहेको खण्डमा भने ९ देखि १४ वर्षसम्म लिनु उपयुक्त हुने बताइएको छ । एजेन्सीबाट
