काठमाडौं । भारतको मध्य प्रदेशको हरदा जिल्लाको मगरधा रोडको पटाका कारखानामा विष्फोट हुँदा भीषण आगलागी भएको छ । कारखानामा पटाकाका लागि बारूद राखिएकाले आगलागी फैलिएर केही समयमै आगोले ठूलो रुप लिएको बताइएको छ ।
दुर्घटनामा ११ जनाको मृत्यु भएको छ । सयभन्दा बढी घाइते भएका छन् । कारखाना वरपरको सडकमा केही शव फेला परेको भारतीय सञ्चार माध्यमले जनाएको छ ।
प्रशासनले २५ भन्दा बढी घाइतेलाई हरदा जिल्ला अस्पतालमा भर्ना गरिएको जनाएको छ । उद्धार कार्यमा सेनाको सहयोग लिइएको छ । मानिसहरूलाई हेलिकप्टरबाट उद्धार गरिने छ ।
प्रतिक्रिया दिनुहोस्
