काठमाडौं । झण्डै दुई सातादेखि शेयर बजार सुस्ताएको छ । निरन्तरको गिरावटपछि लगानीकर्ता बाहिरिँदा बजारमा उत्साह छैन ।
२२ सयको बिन्दुनजिक पुगेको बजार ओर्लिएर दुई हजारको हाराहारीमा छ ।
पछिल्लो एक सातालाई केलाउँदा बजार करिब निरन्तर उकालोमा थियो । तर, लगानीकर्ता निराश देखिएको बजारमा एकल अंकभन्दा बढीको बृद्धि हुन सकेको छैन ।
सोमबार १४.५७ अंकले बृद्धि भएपनि त्यसयता निरन्तर एकल अंकको मात्रै बृद्धि हुन पुग्यो । साताको अन्तिम कारोबार दिन बिहीबार पनि ५.६८ अंकले मात्रै बजार बढेको थियो ।
बजार सुस्ताउँदा विशेषगरी बैंकिङ्ग क्षेत्रमा निकै निराशा देखिएको छ । पछिल्लो सातालाई केलाउँदा ६ अंकले बृद्धि भएपनि पछिल्लो महिनालाई हेर्दा बैकिङ्ग इन्डेक्स झण्डै १०० अंकको उतारचढावपछि २० अंकले घटेको छ ।
बैंकिङ्ग क्षेत्रमा उत्साह नछाउँदा अधिकांश बैंकहरूको मूल्यमा उच्च गिरावट आएको छ । बजार सुस्ताउँदाको प्रभाव कुनै पनि वाणिज्य बैंकको मूल्य छ सयसम्म पुगको छैन ।
नेपाल स्टक एक्सचेन्जले दिएको तथ्यांकअनुसार साताको अन्तिम कारोबार दिन बिहीबारसम्मलाई हेर्दा १९ वाणिज्य बैंकमध्ये आठ वाणिज्य बैंकको मूल्य दुई सय मुनि छ भने सात वाणिज्य बैंकको मूल्य तीन सय मुनि छ ।
यसैगरी, जम्मा चार बैंकको मूल्य मात्रै तीन सयमाथि छ । स्टक एक्सचेन्जले जनाएअनुसार दोस्रो बजारमा सबैभन्दा बढी स्टाण्र्डड चार्टड बैंकको मूल्य छ । जसको मूल्य प्रति कित्ता ५३३ रुपैयाँ छ ।
यी हुन् दुई सय मूनी मूल्य भएका बैंक
कुमारी बैंक : १४९
प्रभु बैंक : १५३
लक्ष्मी सनराइज बैंक : १६७
सिटिजन इन्टरनेशनल बैंक : १६९
नेपाल इन्भेष्टमेन्ट मेगा बैंक : १७०
माछापुच्छ्रे बैंक : १८६
एनएमबी बैंक : १९२
ग्लोबल आइएमई बैंक : १९५
यी हुन् तीन सय मुनि मूल्य भएका बैंक
हिमालयन बैंक : २००
प्राइम कमर्शीयल बैंक : २०४
नेपाल बैंक लिमिटेड : २३०
सिदार्थ बैंक लिमिटेड : २३४
कृषि विकास बैंक : २४२
सानिमा बैंक : २४९
एसबिआई बैंक : २९०
यी हुन् तीन सयभन्दा माथि मूल्य भएका बैंक
नबिल बैंक : ४७६
एनआइसी एसिया बैंक : ४७४
एभरेष्ट बैंक : ५२७
स्टार्डड चार्टड बैंक : ५३३
