काठमाडौं । एक समयको हिट गीत ‘सिम्पल सिम्पल कान्छी’को सिक्वेल गीत सार्वजनिक भएको छ ।
करिब १५ वर्षअघि निर्माण भएको फिल्म ‘अन्दाज’मा समावेश भएको गीतको दोस्रो भाग ‘सिम्पल सिम्पल कान्छीको डिम्पल पुरेछ’ सार्वजनिक भएको हो ।
माइकल चन्द निर्देशित ‘सिम्पल सिम्पल कान्छीको डिम्पल पुरेछ’ गीतको भिडियोमा किरण केसी ‘रातामकै’, दीपाश्री निरौला, बाल कलाकारहरु रियान खड्का र प्रनिता रोकाया फिचर्ड छन् ।
गीतमा जवानी बेलामा छुटेको माया अचानक बाटोमा भेट हुँदाको रमाइलो पललाई वर्णन गरिएको गीतमा नित्या शिवा र राजन श्रेष्ठको स्वर छ ।
शङ्कर अधिकारी ‘घायल’को शब्द रहेको गीतमा बाबुल गिरीको संगीत एवम् एरेन्ज छ ।
भिडियोमा सौरभ लामाको छायाङ्कन, सियोब श्रेष्ठको नृत्य, सलिन लम्सालको सम्पादन, नन्दा अधिकारीको श्रृङ्गार र सरस्वती श्रेष्ठको केश विन्यास रहेको छ ।
प्रतिक्रिया दिनुहोस्
