काठमाडौं । नाइजेरियाको सत्तारुढ दल अल प्रोग्रेसिभ कांग्रेस (एपीसी) पार्टीका प्रवक्ताको हत्या भएको छ । अज्ञात बन्दुकधारी समूहले पठारको मध्य राज्यमा उनको हत्या गरेको स्थानीय प्रहरीले सोमबार जनाएको छ ।
शनिबार राति पाङ्कशिन क्षेत्रस्थित विश्राम स्थलमा बन्दुकधारीले आक्रमण गर्दा प्लेटो राज्यका एपीसी प्रचार सचिव सिल्भानस नामाङको मृत्यु भएको स्थानीय प्रहरी प्रवक्ता अल्फ्रेड अलाबोले बताए ।
विज्ञप्तिमा भनिएको छ, ‘अपहरणकर्ता भएको आशंकामा ७ जना बन्दुकधारी पाङ्कशीन–जोस सडकको छेउमा रहेको विश्राम केन्द्रमा प्रवेश गरी मालिकको अपहरण गरेका थिए ।’
डिस्ट्रेस कल प्राप्त गरेपछि प्रहरीले घटना स्थलमा टोली पठाएको थियो । जसले अपहरणलाई विफल पार्यो । तर, आक्रमणकारीसँग गोली हानाहान भएको थियो । सबै जना संदिग्ध गोली लागेर भागेका छन् । घटनाबारे अनुसन्धान थालिएको प्रहरीले जनाएको छ ।
