काठमाडौं । विश्वकप लिग २ क्रिकेटअन्तर्गत जारी खेलमा नेपालले दिएको १६९ रनको लक्ष्य पछ्याएको नामिबियाले पहिलो विकेट गुमाएको छ । नामिबियाका निकोलस डाबिन ८ रन बनाएर रनआउट भएका हुन् ।
कीर्तिपुरस्थित त्रिवि क्रिकेट मैदानमा जारी खेलमा नेपाल १६८ रनमा अलआउट भएको थियो । जम्मा ३७.१ ओभर खेल्दा नेपाल अलआउट भएको हो ।
नेपालका लागि ओपन आसिफ शेखले सर्वाधिक अर्धशतकीय पारी खेल्दै ५८ रन बनाए । कुशल मल्लले ५२ बल खेल्दै तीन छक्का र एक चौकाको मद्दतमा ३६ रन बनाएका थिए ।
भीम सार्कीले २६, ओपनर कुशल भुर्तेलले १८, करण केसीले १२ रन बनाउँदा दिपेन्द्र सिंह ऐरीले ६ र सोमपाल कामीले चार रन बनाए । कप्तान रोहित पौडेल, अनिल साह, देव खनाल र ललित राजवंशीले खाता खोल्न सकेनन् ।
बलिङतर्फ नामिबियाका बर्नार्ड स्कोल्ट्ज र जान निकोल लफ्टी इटनले ४–४ विकेट लिए ।
प्रतिक्रिया दिनुहोस्
