यदि तपाईं आफ्नो बच्चालाई आफूँसँगै सुताउने बानीमा हुनुहुन्छ भने, यो जानकारी तपाईंको लागि महत्त्वपूर्ण छ। तपाईंको बच्चासँग सुत्दा तपाईं र तपाईंको बच्चालाई राम्रो लाग्छ, तर यसले थुप्रै बेफाइदाहरू पनि हुन सक्छ।
बच्चाहरूसँग सुत्नु, धेरै परिवारहरूमा सामान्य अभ्यास हो। यो शिशु जन्मिएसँगै सुरू हुन्छ र कहिलेकाहीँ बच्चा बढ्दै जाँदा पनि चलिरहन्छ । तर हेक्का राख्नुपर्ने विषय, निश्चित उमेरपछि बन्द गर्नुपर्छ ।
आउनुहोस् यो उमेर के हो र यसलाई रोक्नु किन महत्वपूर्ण छ भन्नेबारे चर्चा गराैं ।
धेरै आमाबाबुले आफ्नो बच्चालाई कति उमेरसम्म सँगै सुताउने भनेर सोच्छन्। यो प्रश्न उनीहरुको मनमा बारम्बार आउँछ । सत्य यो हो कि यसको कुनै एउटै जवाफ छैन। हरेक परिवारको अवस्था फरक हुन्छ र हरेक बालबालिकाको अवस्था पनि फरक हुन्छ ।
तर, यदि हामी सामान्य विचारको बारेमा कुरा गर्छौं भने, धेरै विशेषज्ञहरूले सिफारिस गर्छन् कि सातदेखि आठ वर्षको बीचमा, बच्चाहरूलाई बिस्तारै बेग्लै ओछ्यानमा सुताउन सुरू गर्नुपर्छ ।
यो उमेरमा बच्चाहरूमा आत्मनिर्भरताको भावना विकास हुन थाल्छ। तिनीहरूलाई आफ्नै कोठामा सुत्न दिएर, तिनीहरू आफैंमा आत्मविश्वास प्राप्त गर्छन् र तिनीहरूले आफ्नो डरसँग लड्न सिक्छन्।
छुट्टै सुत्दा बालबालिकामा स्वतन्त्रता र आत्मनिर्भरताको भावना विकास हुन्छ। तिनीहरू एक्लै सुत्ने डरलाई जित्छन्।
जब बच्चाहरू एक्लै सुत्छन्, तिनीहरूको निद्राको गुणस्तर सुधार हुन्छ। यसले उनीहरूको शारीरिक र मानसिक विकासमा पनि सुधार गर्छ। एजेन्सीबाट
