काठमाडौं । अछाममा जंगली बँदेलको आक्रमणबाट वृद्धा घाइते भएका छन् । आइतबार दिउँसो कमलबजार नगरपालिका ७ बस्ने ६६ वर्षीय वृद्धा हिरादेवी अधिकारीलाई बँदेलले आक्रमण गरी घाइते बनाएको हो ।
घरबाट करिब आधा किलोमिटर टाढा रहेको पत्थरिया खान जंगलमा बाख्रा चराउने क्रममा जंगली बँदेलले आक्रमण गरी घाइते बनाएको जिल्ला प्रहरी कार्यालय अछामका प्रमुख प्रहरी नायब उपरीक्षक सन्तोष पाठकले जानकारी दिए ।
घाइते अधिकारीको कमलबजार स्वास्थ्य चौकीमा सामान्य उपचारपश्चात् थप उपचारका लागि प्रादेशिक अस्पताल सुर्खेतमा पठाइएको प्रनाउ पाठकले बताए । बँदेलको आक्रमणबाट उनको कम्मरमा गहिरो चोट लागेको छ ।
प्रतिक्रिया दिनुहोस्
