काठमाडौं । झापाको रतुवा र दिपिनी खोला किनारको सार्वजनिक जग्गा अतिक्रमण गरी नामसारी गरेको प्रकरणमा अख्तियार दुरुपयोग अनुसन्धान आयोगले भ्रष्टाचार मुद्दा दायर गरेको छ ।
झापाको दमक नगरपालिका वडा नं १३ र १४ मा पर्ने रतुवा र दिपिनी खोला दोभानको उत्तरतर्फका सार्वजनिक जग्गा व्यक्तिको नाममा नामसारी गरेको प्रकरणमा नापी र मालपोतका कर्मचारी, जग्गाधनी र विचौलियाविरुद्ध मुद्दा दायर गरेको हो ।
झापाको बालुवाटार भनेर चिनिने खोला किनारको सरकारी जग्गा व्यक्तिको नाममा नामसारी गरेको प्रकरणमा माओवादी नेता रेवतराज पुरी (गगन पुरी)ं, उनका परिवारका सदस्य, जग्गा खरिदकर्ता, मालपोतका कर्मचारी र लेखापढी कानून व्यवसायीलगायतका विचौलियाविरुद्ध मुद्दा दायर भएको हो ।
पुरीविरुद्ध अख्तियारले दुईवटा फरक फरक मुद्दामा ९ करोड रुपैयाँ भन्दा बढी बिगो माग गरिएको छ ।
यो मुद्दामा अख्तियारले १८७ जनाविरुद्ध मुद्दा दायर गरेको छ । उनीहरूले ३८४ रोपनी आठ आनाभन्दा बढी जग्गा व्यक्तिको नाममा लगेको थियो ।
