काठमाडौं । अधिकांश नेपाली दर्शकहरू नेपाली फिल्मको तुलनामा बलिउड फिल्म हेर्न रुचाउँछन् । बलिउड र साउथ फिल्म हेर्न बानी भएका नेपाली दर्शकहरूले स्वदेशी फिल्मलाई खासै हेर्न नचाहेको देखिन्छ ।
यस्तैमा, बलिउडका चर्चित अभिनेता अनुपम खेरले नेपाली फिल्म ‘गोर्खा वारियर’को ट्रेलरको प्रशंसा गरेका छन् । अभिनेता खेरले अहिले रिलिज भइरहेको नेपाली फिल्म ‘गोर्खा वारियर’को प्रशंसा गरेका हुन्।
खेरले नेपाली फिल्मको पहिलो पटक ट्रेलर हेरेर खुलेरै तारिफ गरेका छन् । आफ्नो पुरै जीवन नै कलाकारितामा समर्पित गरेर धेरै अवार्डहरूले पनि सम्मानित भएका उनले बलिउडलाई यहाँ सम्म ल्याउन निकै ठूलो योगदान दिइएका छन् । यस्ता हस्तिले नेपाली फिल्मको प्रशंसा गर्नु आफैमा गर्वको कुरा हो ।
आइतबार सामाजिक सञ्जाल इन्स्टाग्राम स्टोरीमा फिल्मको पोस्टर सेयर गर्दै उनले ट्रेलरको प्रशंसा गरेका हुन् । साथै, उनले फिल्मका निर्देशक मिलन चाम्सलाई ट्याग गर्दै लेखेका छन् ‘ट्रेलर निकै मनप¥यो, भन्दै उनले उक्त स्ट्याटसमा ताली बजाएको इमोजी पनि उल्लेख गरेका छन् ।’
फागुन ११ गते शुक्रबारदेखि प्रदर्शनमा आएको फिल्म ‘गोर्खा वारियर’ मा सन् १९४९ मा ‘मलाया इमरजेन्सी जङ्गल वार’मा गोर्खा सैनिकले देखाएको बहादुरीको कथामा आधारित रहेर प्रस्तुत गरिएको छ ।
यसमा मुख्य भूमिका निर्वाह गरेका अभिनेता रितेश चाम्स आफैँ पूर्व गोर्खा सैनिक हुन् । उनले सेनाबाट अवकाश पाएपछि बेलायतमै अभिनयसम्बन्धी शिक्षा पनि लिएका ।
यस फिल्ममा विजय लामा, रेविका गुरुङ, रियर राई, शिशिर बाङ्देल, कविता आले, विरुप घले, सारा राईलगायत कलाकारले अभिनय गरेका छन् । फिल्मको बेलायत र नेपालका ३ शहरमा प्रिमियर समेत गरिएको थियो ।
