आज मिति विं.सं. २०८० फागुन १४ गते सोमबार । सन् २०२४ फ्रेवुअरी २६ । आज नेपालमा सूर्योदय बिहान ६ः३१ बजे भयो भने सूर्यास्त साँझ ६ः१ बजे हुनेछ ।
मेष
आजको दिन मनोरञ्जनपूर्ण रहला । कामबाट फुर्सद मिलेको अनुभूति हुनेछ । व्यापार र रोजगारीका क्षेत्रमा लाभ मिल्नेछ । कार्यसफलताको योग छ । शत्रुपक्ष परास्त हुनेछन् । सन्तानसुख प्राप्तिका साथै मित्रभाव वृद्धि होला । रोकिएको काम बन्ने समय छ ।
बृष
दिन शुभदायी छ । काममा प्रशस्त मन जाला । व्यवसायमा थप लगानी बढाउन सकिनेछ भने वैदेशिक कामकाजमा फाइदा हुनेछ । अप्रत्याशित लाभ हुने योग छ । नयाँ कामका स्रोत फेला पर्लान् । पराक्रम बढ्नेछ । बौद्धिक र रचनात्मक काममा सफलता मिल्नेछ । पारिवारिक समस्याको समाधान मिल्नुका साथै रसरागमा आकर्षण बढ्नेछ । आफन्तको साथ मिल्नेछ ।
मिथुन
आजको दिन केही चुनौतीयुक्त रहला । पीडा–कष्ट दिनेहरु सक्रिय बन्न सक्छन्, सावधान रहनुहोला । स्वास्थ्यप्रति पनि विशेष ख्याल राख्नुपर्ने समय छ । धननाश हुनुका साथै अनावश्यक झमेलामा पर्ने योग रहेकोले हरेक बेली र व्यवहारमा संयमता अपनाउनु हितकर हुनेछ । यात्रापद कार्यमा सफलता मिल्नेछ ।
कर्कट
रमाइलो तरिकाले कामहरु गर्न पाइने दिन छ । पशुधन र जमिनबाट सामान्य लाभ भएपनि व्यापार–व्यवसायमा राम्रै फाइदा मिल्ने योग छ । आरोग्यता र सुख–सुविधाका वस्तु बढ्नेछन् । रसरागमा आकर्षण बढ्नेछ । मिठो भोजन प्राप्त होला । पारिवारिक सुख मिल्नेछ ।
सिंह
नसोचेको ठाउँबाट धनलाभ भइ मन हर्षित हुने समय छ । सोचेभन्दा बढी नै लाभ मिल्ला । निर्माण तथा व्यवहारिक क्षेत्रमा मन लाग्नेछ । आर्थिक क्षेत्रमा उन्नती हुनेछ । रचनात्मकताका साथै रसरागको भाव वृद्धि हुनेछ । मित्रजनको साथ मिल्नेछ । पारिवारिक सुखशांति बढ्नुको साथै कार्यमा सफलतमा प्राप्त होला ।
कन्या
आजको दिन मित्रजनका साथै घरपरिवारबाट सुखशान्ति मिल्ला । लामो यात्राको प्रक्रिया अघि बढ्ने समय छ । आयबल एवम् धन वृद्धि हुनेछ । इष्टमित्रजन एवम् सन्तानको सुख प्राप्त हुनेछ । बौद्धिक र रचनात्मक काममा सफलता मिल्नेछ । धन मान महत्वमा कमी आउनेछैन । आफन्तको साथ प्राप्त हुनेछ ।
तुला
समय खासै शुभदायी नरहेकोले सोच्दै नसोचेको ठाउमा पैसा खर्च हुन सक्छ, सावधान रहनुहोला । व्यर्थको खर्चले मन पिरोलिन सक्छ । मनमा चिन्ता बढने योग छ, साथै धनमाल हराउन सक्छ । तथापि, कर्मबल वृद्धि हुनेछ । योजना र बजेट बनाइ काम गर्नु हितकर हुनेछ ।
बृश्चिक
प्रियजनसँगको भेटले मन प्रफुल्ल रहला । तर, खर्च बढ्ने र लेनदेनमा विवाद बढ्न सक्ने योग रहेकोले सावधानीपूर्वक संयम भइर काम गर्नु हितकर होला । दाम्पत्यसुख बढ्नेछ । सुख सुविधाको वस्तु खरिद गरिएला । योजना र बजेट बनाइ कार्यगर्नु हितकर होला । ऋण रोग र शत्रुलाई जीत्ने क्षमतामा वृद्धि हुनेछ ।
धनु
आजको दिन नयाँ कामका योजना बन्लान् । व्यापारमा सफलता मिल्नेछ । सुखद यात्राको अवसर जुर्ने समय छ । ब्यस्तता वृद्धि होला । मिठो भोजन प्राप्त हुनेछ । गीत–संगीत र रसरागात्मक काममा आकर्षण बढ्नेछ ।
मकर
आजको दिन रमाइलो तरिकाले कामहरु गर्न पाइनेछ । अधुरा काम पूरा हुने योग छ । नोकरी तथा राजनीतिक कर्ममा सफल भइएला । प्रेमभाव बढ्नेछ भने आरोग्यता रहनेछ । बौद्धिक र रचनात्मक काममा सफलता मिल्नेछ । परिवारिक सुख बढ्नेछ । शत्रुलाई जित्ने सामर्थ्य बढ्नेछ । नियमकानूनले साथ दिनेछ । दायित्व पूरा गर्नुहुनेछ ।
कुम्भ
वादविवादको सामना गर्नुपर्ने योग रहेको दिन हुनाले बोली र व्यवहारमा विशेष संयमता अपनाउनु हितकर हुनेछ । आज आगो र मेसिनरी सामग्रीबाट जोगिन विशेष सतर्कता अपनाउनुहोला । आजका योजना पूर्ण कार्यान्वयन नहुन सक्छन्, तथापि इष्टमित्रको सहयोग प्राप्त हुनेछ । आरोग्यता रहनेछ । बौद्धिक र रचनात्मक कार्य पनि बन्नेछ ।
मीन
स्वास्थ्यका दृष्टिकोणले राम्रो समय छ । आर्थिक लाभ हुनेछ भने व्यापारमा सफलता पाउने, यात्रामा रमाउने योग छ । प्रेमबल र सामर्थ्य बढ्नेछ । आफन्तको भने साथ कमै मिल्ला । लेखन प्रकाशनसित सम्बन्धित काम बनेछ । साझेदारीको काम सफल रहला । सुख विलास बढ्नेछ । समस्याको समाधान मिल्नेछ ।
