काठमाडाैं । नेपाल क्रिकेट संघ क्यान (क्यान)को आयोजनामा मंगलबारदेखि त्रिवि क्रिकेट मैदान, कीर्तिपुरमा टी–२० क्रिकेट त्रिकोणात्मक सिरिज हुँदैछ ।
नेपाल, नामिबिया र नेदरल्यान्ड्स सहभागी उक्त टी–२० सिरिज पनि डिसहोमको एक्सन स्पोर्टस एचडी वानबाट प्रत्यक्ष प्रसारण हुने भएको छ ।
पछिल्लो समय नेपाली क्रिकेट टोलीले घरेलु मैदानमा खेलेका अन्तर्राष्ट्रिय प्रतियोगिताहरू प्रत्यक्ष प्रशारण गरिरएको डिसहोमले त्रिकोणात्मक टी–२० सिरिज पनि प्रशारण गर्ने जानकारी गराएको हो ।
एक्सन स्पोर्टस एचडी वानबाट यसअघि नेपाल र क्यानडाबीचको सिरिजका साथै आईसीसी विश्वकप लिग–टूको पहिलो त्रिकोणात्मक एकदिवसीय सिरिज पनि प्रत्यक्ष प्रशारण भएको थियो ।
टी–२० सिरिजअन्तर्गत आज नेपालले नामिबियासँग खेल्दैछ । यो खेल त्रिवि मैदानमा बिहान ११ः३० मा शुरू हुनेछ ।
यस्तै नेपालले बुधवार नेदरल्यान्ड्ससँग खेल्नेछ ।
यसैगरी बिहीवार नामिबिया र नेदरल्याण्ड्स भिड्दा शुक्रवार नेपाल र नामिबिया दोस्रो पटक भिड्ने छन् ।
त्यसैगरी नेपाल र नेदरल्यान्ड्सको दोस्रो भेट शनिवार हुनेछ । तीनमध्ये शीर्ष दुईले उपाधिका लागि आइतवार खेल्ने छन् ।
