काठमाडौं । त्रिकोणात्मक टी २० क्रिकेट शृङ्खलाअन्तर्गत आजको खेलमा नेपालले नेदरल्याण्ड्सविरुद्ध पहिला फिल्डिङ गर्ने भएको छ ।
कीर्तिपुरस्थित त्रिवि क्रिकेट मैदानमा नेपालविरुद्ध नेदरल्याण्ड्सले टस जितेर पहिला ब्याटिङ गर्ने निर्णय लिएको हो । आजको खेलमा नेपालले एक परिवर्तन गरेको छ । ओपनर अनिल शाहलाई बेन्चमा राख्दै कुशल भुर्तेल खेलमा फिर्ता भएका हुन् ।
पहिलो खेलमा नामिबियासँग २० र दोस्रो खेलमा नेदरल्याण्ड्ससँग २ रनले पराजित भएको नेपालले तेस्रो खेलमा नामिबियालाई ३ रनले हराएको थियो ।
आजको खेलमा नेदरल्याण्ड्सलाई पराजित गर्दै घरेलु मैदानमा जारी टी २० सिरिजको फाइनल यात्रा सहज बनाउन चाहन्छ ।
प्रतिक्रिया दिनुहोस्
