काठमाडौं । कीर्तिपुरको त्रिवि क्रिकेट मैदानमा जारी त्रिकोणात्मक टी २० सिरिजअन्तर्गत आइतबार हुने खेलमा टिकटबिना प्रवेश गर्न पाइने भएको छ ।
नेपाल क्रिकेट संघ (क्यान)ले आइतबार हुने खेलमा दर्शकसँग कुनै शुल्क नलिने जानकारी दिएको हो । भोलि नेदरल्याण्ड्स र नामिबियाबीच फाइनल प्रवेशका लागि प्रतिस्पर्धा हुँदै छ ।
आज शनिबार भएको खेलमा नेपाल ६ विकेटले विजयी भएको छ । नेदरल्यान्ड्सले दिएको १२१ रनको लक्ष्य नेपालले चार विकेट गुमाएर १५.२ ओभरमा पूरा गरेको हो ।
आइतबारको खेलमा नेदरल्याण्ड्सले नामिबियालाई पराजित गरे नेपालले फाइनल खेल्ने छ । नामिबियाले भारी अन्तरले नेदरल्याड्सलाई पराजित गरे नेट रन नेटका आधारमा टुंगो लाग्ने छ ।
नामिबियासँग -०.७०० अंकका साथ तेस्रो स्थानमा छ । नेपाल दोस्रो स्थानमा छ भने नेदरल्याण्ड्स पहिलो स्थानमा छ ।
प्रतिक्रिया दिनुहोस्
