काठमाडौं । काठमाडौंको कीर्तिपुर नगरपालिका १ का वडाध्यक्ष हिरालाल महर्जनको निधन भएको छ ।
लामो समयदेखि कलेजोको समस्याबाट पीडित ६१ वर्षीय महर्जनको गएराति ललितपुरको मेडिसिटी अस्पतालमा निधन भएको नगरपालिकाका नगरप्रमुख राजकुमार नकर्मीले जानकारी दिए ।
महर्जन विं.सं. २०७९ सालको स्थानीय तहको निर्वाचनमा नेपाली कांग्रेसका तर्फबाट वडाध्यक्षमा निर्वाचित भएका थिए । उनका श्रीमती र दुई छोरा छन् ।
वडाअध्यक्ष महर्जनको निधनमा आज कीर्तिपुर नगरपालिकामा शोक बिदा दिइएको छ । उनको आजै कीर्तिपुरमा अन्त्येष्टि गरिएको छ । अन्त्येष्टिमा कांग्रेसका नेता, कार्यकर्ता तथा वडावासीको सहभागी थियो ।
प्रतिक्रिया दिनुहोस्
