आज मिति विं.सं. २०८० फागुन २७ गते आइतबार । सन् २०२४ मार्च १० । आज नेपालमा सूर्योदय बिहान ६ः१८ बजे भयो भने सूर्यास्त साँझ ६ः९ बजे हुनेछ । आज जन्म लिने बच्चा कुम्भ राशीको हुनेछ ।
मेष
आजको दिन उत्साहपूर्ण रहनेछ । तर, सवारी साधन उपयोग गर्दा विशेष सावधानी अपनाउनु हितकर होला । व्यावसायिक यात्राको सम्भावना छ । यात्रामा धनमाल हराउन सक्ने योग रहेकोले सचेत रहनुहोला । बोलीको गलत अर्थ लाग्नाले आत्मसम्मानमा चोट पुग्न सक्छ । आरोग्यता र सामर्थ्य बढ्नेछ । रसरागमा आकर्षण रहला । मिठो भोजन प्राप्त हुनेछ ।
बृष
शत्रु र रोगबाट मुक्ति मिल्ने समय छ । प्रयत्न गर्दा मौकाको फाइदा लिन सकिनेछ । यात्रामा विशेष लाभ होला । तर, आश्वासन बाँड्नेहरूले झुक्याउने योग रहेकोले सचेत रहनुपर्ला । परिस्थितिले अप्ठ्यारो मोडमा पु¥याउन सक्छ । तपाईंको कमजोरीको फाइदा अरूले उठाउन सक्छन् । महत्वाकांक्षी योजना गोप्य राख्नुहोला । पारिवारिक समस्याको समाधान मिल्नेछ । रसरागमा आकर्षण बढ्नेछ ।
मिथुन
आम्दानी बढ्ने र प्रेमको बन्धन कसिने समय छ । दाम्पत्य जीवन सुखद तथा समृद्ध बन्ला । प्रतिस्पर्धीहरूले हार खानेछन् भने इर्ष्या गर्नेहरूलाई तपाईंको मेहेनतले जवाफ दिनेछ । सानो प्रयत्नले पनि राम्रो फाइदा उठाउन सकिनेछ । साझेदारीको काम बन्नेछ । आरोग्यता बढ्नेछ । समस्याको समाधान प्राप्त हुनेछ ।
कर्कट
चुनौतीपूर्ण समय छ । गरेका काम सजिलै नबन्ने र बनिहाले पनि मेहनत गरेअनुसारको फल नमिल्ने योग छ । स्वास्थ्यमा समस्या आउन सक्छ, सचेत रहनुहोला । केही खर्च हुन सक्छ । शत्रुमाथि विजय प्राप्त होला । सन्तानबाट सुख प्राप्त हुनेछ । मित्रभाव वृद्धि होला । रोकिएको काम बन्नेछ । आमोदप्रमोदमा मन जानेछ ।
सिंह
चिताएको काम सजिलै सम्पादन हुने समय छ । इच्छाशक्ति बढ्ला । स्वस्थ्यमा सामान्य कमजोरी रहन सक्छ, जसले काममा ढिलासुस्ती गराउने सम्भावना छ । प्रयत्न गर्दा विगतका कमजोरीलाई सच्याउन सकिनेछ । पढाइलेखाइमा भने प्रगति गर्न नसकिने योग छ । रसरागको भाव वृद्धि होला । पारिवारिक सुख रहनेछ ।
कन्या
मेहनतीहरूका लागि समय उत्साहजनक रहनेछ । प्रतिस्पर्धी परास्त होलान् । तथापि, अलिक बाध्यताका काममा जुट्नुपर्ला । आज केही विवादमा परिने योग रहेकोले सजग रहनुहोला । व्यस्तता बढ्नेछ भने भय तथा भ्रम बनिरहन्छ । सन्तान पक्षबाट सुख प्राप्त हुनेछ । यात्रामा सफलता र आफन्तको साथ प्राप्त हुनेछ ।
तुला
व्यापार तथा उद्योगतर्फ सामान्य फाइदा हुनेछ । नयाँ योजना कार्यान्वयनमा ल्याउन निकै मेहनत गर्नुपर्ला । मुद्दा–मामिलामा पनि विजयी भइने योग छ । पराक्रमका साथै धन वृद्धि होला । योजना र बजेट बनाइ काम गर्नु हितकर हुनेछ ।
बृश्चिक
आजको परिस्थिति अलिक प्रतिकूल रहने देखिन्छ । प्रतिस्पर्धीहरूले अप्ठ्यारोमा पार्ने प्रयास गर्नेछन् भने अधिकारका लागि केही संघर्ष हुन सक्छ । साझेदारीमा समस्या आउने योग रहेकोले संयमता अपनाएर व्यवहार गर्नु हितकर हुनेछ । आरोग्यता रहनेछ । ऋण र शत्रुलाई परास्त गर्ने क्षमता कायम रहला । दाम्पत्यसुख बढ्नेछ । खर्चको मात्रा बढ्न सक्छ, योजना र बजेट बनाइ कार्य गर्नुहोला ।
धनु
आयआर्जनका स्रोत बढ्ने तथा व्यापारमा राम्रैै फाइदा हुने समय छ । विभिन्न भौतिक साधनहरू जुट्नाले प्रसन्नता मिल्नेछ । तथापि, आफन्तसँग असमझदारी बढ्न सक्छ । बाध्यताका काममा अलमलिनुपर्ला । पतिपत्नीमा पनि अविश्वास बढ्ने योग छ । बौद्धिक तथा रचनात्मक कार्यमा सफलता मिल्नेछ । रसरागात्मक काममा आकर्षण रहला ।
मकर
आम्दानी बढ्ने र परिवारजनका आवश्यकता पूरा हुने समय छ । दिगो फाइदाका लागि लगानी बढाउन सकिनेछ । तर रमाइलो क्षणमा अचानक खिन्नता बढ्न सक्ने योग रहेकोले सावधान रहनुहोला । केही अप्ठ्यारा परिस्थितिको सामना गर्नुपरे पनि समस्याको समाधान मिल्नेछ । प्रेम र मित्रताको बन्धन कसिने छ । नियमकानूनले साथ दिनेछ । दायित्व पूरा गर्नुहुनेछ ।
कुम्भ
बौद्धिक कार्यबाट मनग्य धनलाभ हुनेछ । गुरुजनको विशेष सहयोग जुट्नेछ भने अध्ययनमा प्रगति होला । आफ्नो प्रतिभा धेरैलाई देखाउन सकिनेछ । तथापि, अरूको फाइदाका लागि उपयोग भइएला । शुभचिन्तकहरूले साथ दिनेछन् र विभिन्न अवसर पाइनेछ । आयबल बढ्नेछ । बौद्धिक र रचनात्मक कार्य पनि बन्नेछ ।
मीन
प्रतिष्ठित कार्य गरी अरूलाई प्रभावित पारेर दाम, इनाम र प्रतिष्ठा कमाउने बेला छ । तर सहयोगीहरूको भरपर्दा चिताएको काम नबन्न सक्छ, सजग रहनुहोला । हातमा आएको अवसर गुम्ने सम्भावना रहेकोले सचेतना अपनाइ व्यवहार गर्नु हितकर होला । आजको दिन सवारी साधनको प्रयोगमा सावधानी अपनाउनुहोला । साझेदारीको काम बन्नेछ । सुख विलास पनि बढ्नेछ ।
