काठमाडौं । त्रिकोणात्मक टी २० आई सिरिजअन्तर्गत नेपालले आज पहिलो खेल घरेलु टोली हङकङसँग प्रतिस्पर्धा गर्ने भएको छ । खेल नेपाली समयअनुसार बिहान ११ः१५ मा मोकं कोकमा हुँदैछ । आजको खेलमा नेपालले हङकङविरुद्व टस जितेर पहिला फिल्डिङ रोजेको छ ।
नेपाल, पपुवा न्युगिनी र हङकङबीच त्रिकोणात्मक टी २० आई सिरिज हुनेछ । नेपालबाट दीपेन्द्रसिंह ऐरी, कुशल मल्ल, आसिफ शेख र सोमपाल कामीलगायत पहिलो रोजाइका खेलाडी नखेल्ने भएका छन् ।
शनिबार भएको मैत्रीपूर्ण खेलमा नेपाल हङकङसँग ७३ रनले पराजित भएको थियो । हङकङले पहिला ब्याटिङ गर्दै २१२ रन बनाएको थियो । हङकङका लागि बाबर हायतले ४९ बलमा तीन चौका र १३ छक्कासहित ११० रन बनाएका थिए ।
नेपालको ब्याटिङ शीर्ष क्रममा बढी निर्भर छ । कुशल भुर्तेल, विनोद भण्डारी र रोहित पौडेल प्रमुख ब्याटर हुन् ।
प्रतिक्रिया दिनुहोस्
