काठमाडौं । इजरायली आक्रमणबाट गाजा पट्टीमा मृत्यु हुने प्यालेस्टाइनीको संख्या ३१ हजार नाघेको हमासद्वारा सञ्चालित स्वास्थ्य मन्त्रालयले आइतबार बताएको छ ।
विगत २४ घण्टाको अवधिमा इजरायली सेनाले द्वन्द्वग्रस्त तटीय क्षेत्रका विभिन्न स्थानमा गरेको आक्रमणबाट ८५ जना प्यालेस्टाइनीको मृत्यु भएको छ । १३० जना घाइते भएका छन् ।
सो द्वन्द्वमा परी मृत्यु हुनेको कूल संख्या ३१ हजार ४५ पुगेको छ भने घाइतेको संख्या ७२ हजार ६५४ पुगेको छ ।