काठमाडौं । भारतको राजस्थानको पोखरानमा जारी ‘भारत शक्ति अभ्यास’मा सहभागी भएको तेजस लडाकु विमान मंगलबार दिउँसो २ बजे दुर्घटना भएको छ ।
जैसलमेर शहरबाट दुई किलोमिटर टाढा जवाहर नगरमा रहेको भील समूदायको छात्रावासमा खसेको थियो । घटना हुँदा होस्टेलको कोठामा कोही थिएनन् । तेजस दुर्घटनाको यो पहिलो घटना हो ।
पाइलटहरू सुरक्षित रूपमा प्याराग्लाइडिङमार्फत अवतरण गरेका थिए । प्रत्यक्षदर्शीका अनुसार एक्कासी विष्फोटका कारण सम्पूर्ण क्षेत्रमा आतंक मच्चिएको थियो । वायुसेनाले दुर्घटनाको कारण पत्ता लगाउन कोर्ट अफ इन्क्वायरीको आदेश दिएको छ ।
सेनाको कार्यक्रममा प्रधानमन्त्री नरेन्द्र मोदी, रक्षामन्त्री राजनाथ सिंहलगायत अन्य नेता तथा सेनाका वरिष्ठ अधिकारी उपस्थित थिए । एजेन्सी
प्रतिक्रिया दिनुहोस्
