काठमाडौं । नेकपा एमाले अध्यक्ष केपी शर्मा ओलीले प्रधानमन्त्रीले राम्रो काम गरेको भन्दै दिल खोलेर विश्वासको मत दिन एमाले सांसदलाई निर्दशन दिएका छन् ।
मंगलबार बसेको पार्टी संसदीय दलको बैठकमा एमाले अध्यक्ष ओलीले प्रधानमन्त्रीले अहिले राम्रो काम गरेको दाबी गरे । ‘प्रधानमन्त्रीले एकदम राम्रो काम गर्नु भयो, एक डेढ वर्ष आफ्नो पदका लागि कुनै खतरा नभए पनि गठबन्धन बदल्ने निर्णय गर्नुभायो,’ उनले भने, ‘अनुचित गठबन्धन छोडेर उचित गठबन्धन बनाउन पहलकदमी लिनु भयो ।’
अध्यक्ष ओलीले भोलि प्रधानमन्त्रीले विश्वासको मत नपाए देश दुर्घटनामा जाने बताए । ‘बेष्ट अप्सन हो कि होइन भन्ने छोडिदिऊँ, यतिबेला अर्को कुनै अप्सन छैन, कि त प्रचण्डको नेतृत्वमा यो समीकरण कायम रहन्छ कि त ७६(३) अनुसार कांग्रेसको नेतृत्वमा अल्पमतको सरकार बन्छ,’ उनले भने ।
प्रतिक्रिया दिनुहोस्
