काठमाडौं । नागरिक उन्मुक्ति पार्टी (नाउपा)का अध्यक्ष रञ्जिता श्रेष्ठले प्रधानमन्त्री पुष्पकमल दाहाल प्रचण्डलाई विश्वासको मत दिन ह्विप जारी गरेकी छन् ।
अध्यक्ष श्रेष्ठले मंगलबार प्रधानमन्त्री दाहाललाई विश्वासको मत दिन निर्देशन दिएकी हुन् । नाउपासँग चार जना सांसद छन् ।
बुधबारको संसद् बैठकमा सबै सांसदलाई अनिवार्य उपस्थित भएर प्रधानमन्त्रीको पक्षमा मतदान गर्न निर्देशन भएको हो ।
नयाँ सत्ता समीकरण बनेपछि प्रधानमन्त्री दाहाल भोलि प्रतिनिधिसभाबाट विश्वासको मत लिँदै छन् ।
यसअघि नाउपाका संरक्षक तथा अध्यक्ष श्रेष्ठका श्रीमान रेशम चौधरीले सरकारलाई विश्वासको मत नदिने बताउँदै आएका थिए ।
प्रतिक्रिया दिनुहोस्
