काठमाडौं । चैत महिनाका लागि पनि अधिकांश वाणिज्य बैंकहरूले व्यक्तिगत निक्षेपको ब्याजदर घटाएका छन् । फागुन महिनाको तुलनामा अधिकांश वाणिज्य बैंकहरुले व्यक्तिगत निक्षेपको ब्याजदर घटाएका हुन् ।
सार्वजनिक ब्याजदरअनुसार २० वाणिज्य बैंकमध्ये एनआईसी एसियाले ब्याजदर बढाएको छ भने प्रभु र ग्लोबल आइएमईले फागुनकै ब्याजदरलाई निरन्तरता दिँदा अन्यले घटाएका छन् ।
बैंकहरुको औसतमा ०.५०४२ प्रतिशतले ब्याजदर घटेको छ । फागुन महिनामा व्यक्तिगत मुद्दति निक्षेप औसतमा ७.७५ प्रतिशत हुँदा चैतमा ७.२५ पुगेको छ ।
तर, व्यक्तिगत मुद्दति निक्षेपको ब्याजदर घट्दा अधिकांश वाणिज्य बैंकहरुले संस्थागत निक्षेपको ब्याजदर भने बढाएका छन् । फागुनमा औसत ५.७४ प्रतिशत संस्थागत निक्षेपको ब्याजदर हुँदा चैतमा ०.२६ प्रतिशतले बढेर औसतमा ब्याजदर ६ प्रतिशत पुगेको छ ।
२० वाणिज्य बैंकमध्ये चैतमा सबैभन्दा कम व्यक्तिगत मुद्दति निक्षेपमा कृषि विकास बैंकको ब्याजदर ५.६६१ प्रतिशत छ भने सबैभन्दा बढी एनआईसी एसियाको ८.५४ प्रतिशत छ ।
व्यक्तिगत निक्षेपमा कुनको ब्याजदर कति ?
| बैंक | फागुनको ब्याजदर | चैतको ब्याजदर |
| कृषि विकास | ६.४४३ | ५.६६ |
| एभरेष्ट | ८ | ६.५ |
| नेपाल | ७.२५ | ७ |
| लक्ष्मी सनराइज | ८ | ७.५ |
| माछापुच्छ्रे | ८ | ७.७५ |
| एनआईसी एसिया | ८ | ८.५४८ |
| प्रभु | ७.५ | ७.५ |
| स्टान्डर्ड चार्टर्ड | ७.३५ | ७ |
| राष्ट्रिय वाणिज्य | ७.३५ | ७ |
| नबिल | ७.७५ | ७.२५ |
| ग्लोबल आईएमई | ७.६ | ७.६ |
| सिद्धार्थ | ८ | ७.५ |
| प्राइम कमर्सियल | ७.४ | ७.२५ |
| कुमारी | ८.०१ | ७.५१ |
| सानिमा | ७.५१ | ७.२५ |
| हिमालयन | ८.१५ | ७.५ |
| नेपाल एसबीआई | ८.१ | ७.०१ |
| नेपाल इन्भेष्टमेन्ट | ८ | ७ |
| एनएमबी | ८.५ | ७ |
| सिटिजन्स | ८.२५ | ७.७५ |
