काठमाडौं । नेपाल समाजवादी पार्टी (नेसपा)का अध्यक्ष डा. बाबुराम भट्टराईले ठूला दलहरू मिलेर सरकार चलाउने पर्ने धारणा राखेका छन् ।
‘एक वर्षमा तीन पटक सरकार परिवर्तन भइसक्यो, यही ताल हो भने १२ चोटी सरकार परिवर्तन हुन्छ भन्ने चर्चा हुन थालिसक्यो, यसरी हुँदैन, मैले शेरबहादुर, ओली र हाम्रो प्रचण्ड जीलाई यसरी हुँदैन, तपाईंहरु एक दुई वर्ष कसरी हुन्छ बाँड्नुहोस्, साना दललाई छाड्दिनुस् र साझा एजेण्डामा अगाडि बढ्नुस् भन्दा मान्नु हुन्न, अनि यही खेल खेलिराख्नुहुन्छ,’ उनले भने ।
भारतीय प्रा. डा. एसडी मुनीद्वारा लिखित पुस्तक विमोचन कार्यक्रमलाई सम्बोधन गर्दै उनले नेपाली कांग्रेस सभापति शेरबहादुर देउवा, नेकपा एमाले अध्यक्ष केपी ओली र नेकपा माओवादी केन्द्रका अध्यक्ष पुष्पकमल दाहाल प्रचण्डलाई मिलेर साझा एजेण्डा बनाएर अघि बढ्न आग्रह गरेको खुलाएका हुन् ।
प्रतिक्रिया दिनुहोस्
