काठमाडौं । काठमाडौंको गोकर्णेश्वर नगरपालिका ३ स्थित तारेभिरको जंगलमा सुष्मा लामाको हत्या गरी शव गाडेको आरोपमा एक जना पक्राउ परेका छन् ।
उपत्यका अपराध अनुसन्धान कार्यालयले सुष्माको हत्यामा संलग्न भएको आरोपमा तारेभिर बस्ने २१ वर्षीय रुपेन्द्र लामालाई पक्राउ गरी सार्वजनिक गरेको हो ।
गत माघ २२ गते कलेज हिँडेकी सुष्मा सम्पर्कविहीन भएकी थिइन् । उनी बुढानीलकण्ठ माविमा कक्षा १२ मा पढ्दै आएकी थिइन् ।
गत फागुन २५ गते प्रहरीले गोकर्णेश्वर नगरपालिका ३ तारेभीरमै शिवपुरी राष्ट्रिय निकुञ्ज जंगलमा गाडिएको अवस्थामा १८ वर्षीया लामाको शव भेटिएको थियो ।
प्रहरीले उनको हत्या भएको हुन सक्ने आंशका अनुसन्धान सुरु गरेको थियो । प्रहरीका अनुसार प्रेमको कारण हत्या गरिएको अनुसन्धानबाट खुलेको थियो ।
प्रतिक्रिया दिनुहोस्
