काठमाडौं । सर्लाहीको बसबरिया गाउँपालिका ३ मा भएको ट्र्याक्टर दुर्घटनामा एक जनाको मृत्यु भएको छ ।
बसबरिया गाउँपालिका ३ का दिनकर रायको प्रदेश २–०२–००१ त ०४३५ नम्बरको ट्र्याक्टर खेतमा काम गरेर फर्किंदा बसबरिया गाउँपालिका ३ कोठिहारस्थित नहरमा आइतबार राति पल्टिँदा ट्र्याक्टरका चालक बसबरिया गाउँपालिका ३ का १९ वर्षीय पुजेरी माझीको ज्यान गएको जिल्ला प्रहरी कार्यालय सर्लाहीका प्रहरी प्रवक्ता एव प्रहरी नायब उपरीक्षक दीपेन्द्र पञ्जियार थारूले जानकारी दिए ।
उनका अनुसार बसबरिया गाउँपालिका ३ कोठिहारस्थित नहरमा ट्र्याक्टर पल्टिँदा ट्र्याक्टरका चालक माझीको ज्यान गएको र ट्र्याक्टरमा सवार ट्र्याक्टर धनी बसबरिया गाउँपालिका ३ का अन्दाजी ५० वर्षीय सञ्जीवकुमार यादव सकुशल रहेका छन् । ट्र्याक्टर धनी यादव फरार रहेका छन् ।
दुर्घटनामा संलग्न ट्र्याक्टर इलाका प्रहरी कार्यालय बरहथवाको नियन्त्रणमा रहेको र शवलाई शव परीक्षणका लागि प्रादेशिक अस्पताल मलंगवा, सर्लाही पठाइएको जिल्ला प्रहरी कार्यालय सर्लाहीका प्रहरी नायब उपरीक्षक थारूले बताए ।
